取「西」經

會計師佐頓勢估唔到，他視為 The One 的女友麗素，面對鑽戒竟然講聲 bye bye，而麗素唔嫁既理由，竟然係嫌佐頓床上無計，戰鬥力不足令她的巫山雲雨慘變過雲雨。佐頓雄風受挫，決定飛到多倫多找好友「進修」，希望成功取得「西」經，以硬漢姿態讓麗素回心轉意。

怎料好友有異性冇人性，掉低軟弱的他流落夜總會買醉。佐頓爛醉如泥瑟縮街角，幸好被好心脫衣舞孃茱莉執返屋企免得客死楓葉國。一覺醒來，佐頓靈機一觸，何不請這位「專業人士」指導呢？佐頓以協助茱莉解決財務問題為餌誘，要求她指導如何增強「性能」。在茱莉的指引下，佐頓開始進行一連串既「特訓」，從理論到實戰由低做起樣樣有齊：由撳鐘仔按摩到易服變裝，再經 SM 體驗到強攻敏感地帶，招招新奇但又烏龍百出，令佐頓嘆為觀止。